كيفية تحضير مسقعة البندورة بالبطاطا على الطريقة السورية

كيفية تحضير مسقعة البندورة بالبطاطا على الطريقة السورية:

المكونات:

2 كغ بندورة (طماطم)

حبة كبيرة فليفلة ملونة

2 حبة بصل

2 حبة بطاطا

200غ لحمة مفرومة

ملعقة صغيرة فلفل اسود

ملعقة صغيرة كزبرة يابسة

ملعقة كبيرة دبس فليفلة

ملح حسب الرغبة

ربع كوب زيت

طريقة التحضير:

نغسل حبات البندورة ونقشرها وأسهل طريقة للتقشير: نعمل إشارة + في أسفل حبة البندورة ثم نضعهن في طنجرة فيها ماء مغلي ونتركهم لمدة 5 دقائق ثم نرفعهم من الماء ونقشرهم ونفرمهم فرم ناعم

نضع في طنجرة القليل من الزيت + بصلتين مفرومتين ناعم + ملعقتين صغيرتين من الملح نتركها على النار حتى تذبل بعدها نضيف عليها اللحم + ملعقة صغيرة من الفلفل الأسود

نتركها على النار حتى يتغير لونها ثم نضيف البطاطا المفرومة لمكعبات صغيرة نغطي الطنجرة ونتركها لمدة 10 دقائق بعدها نضيف الفليفلة المفرومة مكعبات صغيرة نتركها حتى تذبل الفليفلة ثم نضيف البندورة نحرك المكونات مع بعضها ونرش ملعقة صغيرة من الكزبرة اليابسة + ملعقة طعام دبس فليفلة (أو دبس بندورة)ونتركهم حتى تذبل البندورة ونرش ملعقة طعام من الملح نحرك المكونات جيداً ونتركها حتى تتجانس وتتماسك المرقة

في حال أردتم تقديمها مع الأرز يفضل إضافة الماء لنزيد كمية المرقة

صحة وعافية

هذا الفيديو من قناة   مطبخنا السوري Syrian kitchen